Мерц Стармердан “ўрнак олишга” ва истеъфога чиқишга чақирилди

Буюк Британия Бош вазири Кир Стармер истеъфога чиқишини эълон қилганидан сўнг Германия канцлери Фридрих Мерцга ҳам худди шундай йўл тутиш таклифи билан мурожаат қилинди. Бундай таклиф мухолифатдаги ўнг қанот “Германия учун альтернатива” (AfD) партияси томонидан эълон қилинди.

Партия ўзининг Х ижтимоий тармоғидаги саҳифасида Буюк Британия бош вазирининг истеъфоси ҳақидаги янгилик сарлавҳаси ва “Мерц Стармердан ўрнак олиши керак” деган ёзув туширилган суратни жойлаштирган.

“Ўз халқининг манфаатларини инкор этувчи кимса якунда ҳамиша мағлубиятга учрайди. Германиядаги сиёсий элита қачон бу хулосага келади?” дейилади сурат тавсифида.

Қайд этилишича, AfD’дан Бундестаг депутати Маркус Фронмайер бундан аввалроқ Мерц бошчилигидаги амалдаги ҳукумат коалицияси машҳурлиги пасайиб бораётгани фонида, келаси йилдаёқ Германияда муддатидан олдин федерал сайловлар ўтказилиши мумкинлигини истисно қилмаган.

Эслатиб ўтамиз, бугун, 22 июнь куни Кир Стармер Лейбористлар партияси етакчиси лавозимидан кетиш ниятида эканлигини маълум қилганди. Лейбористлар етакчилигига номзодларни кўрсатиш жорий йилнинг 9 июль куни бошланади ва парламентнинг ёзги таътилигача якунланади.