Меркель АҚШнинг бошига тушганлардан афсусда

Олам

image

Германия Федератив Республикаси канцлери Ангела Меркель АҚШнинг амалдаги президенти Доналд Трамп сайловларда мағлубиятини тан олмаганидан афсусда эканини айтди. Вашингтондаги воқеалар уни "ғазаблантирган ва хафа қилган". 

"Трамп ноябрь ойидан бери мағлубиятини тан олмаганидан афсусдаман. Демократиянинг асосий қоидаси шундаки, ғолиблар ва мағлублар бор”, дейди Меркель. Унинг сўзларига кўра, АҚШда бир неча ҳафта ичида демократиянинг янги саҳифаси очилади. 

6 январь куни амалдаги Президент Дональд Трампнинг минглаб тарафдорлари Капитолий ёнида норозилик намойишлари ўтказди, сўнгра уларнинг баъзилари АҚШдаги Президент сайловлари натижалари тасдиқланиши керак бўлган Конгресс биносига бостириб кирди. Ҳужум 1814 йилда Англия-Америка урушидаги Англия ҳужумидан бери АҚШ Конгресси биносига қилинган биринчи босқинчилик ҳисобланади.

Тўнтаришга уринишда 4 киши ҳалок бўлди, 50 дан ортиқ намойишчи жароҳатланди. 

Эслатиб ўтамиз, Сенат ва АҚШ Конгресси Вакиллар Палатаси қўшма йиғилишда демократ Жозеф Байденнинг 3 ноябрь куни мамлакатда бўлиб ўтган президентлик сайловларида ғалабасини тасдиқлади. 


Мақола муаллифи

Теглар

АҚШдаги тўполон

Баҳолаганлар

87

Рейтинг

2.9

Мақолага баҳо беринг

Дўстларингиз билан улашинг