Мексикалик боксчи жангдан кейин комага тушиб, вафот этди
Спорт
−
14:32 707 1 дақиқа
Мексикалик боксчи Артуро Торрес жангдан кейин комага тушганидан бир ҳафта ўтмай, 26 ёшида вафот этди. Бу ҳақда “Supreme Boxing” нашри хабар берди.
Торрес жорий йилнинг 19 сентябрь куни Мексикада ватандоши Хилберто Гарсияга қарши рингга чиққан. Жанг еттинчи раундда нокаут билан якунланган.
Беллашувдан сўнг Торрес ҳушини йўқотишидан олдин маълум вақт рингда қолган. Унга тиббий ёрдам кўрсатилиб, Мехикали шаҳридаги шифохонага олиб кетилган. “The Sun” нашри хабар беришича, шифокорлар унинг миясида қон қуйилиши аниқланганидан сўнг зудлик билан операция ўтказган ва боксчи комага тушган.
Оқибатда, Артуро Торрес кеча, 25 сентябрь куни жангда олган жароҳатлари оқибатида вафот этган.
Маълумот учун, боксчи профессионал фаолиятини 2018 йил ноябрь ойида бошлаган. У фаолияти давомида 15 та ғалаба, 6 та мағлубият ва 3 та дуранг қайд этган.
Live
Барчаси
