Мексика Президенти Илон Маскни судга бермоқчи

Мексика Президенти Клаудия Шейнбаум миллиардер Илон Маскни судга бериш масаласини кўриб чиқмоқда. Бу ҳақда “Reuters” агентлиги хабар берди.

Бунга Маскнинг Х ижтимоий тармоғида қилган баёноти сабаб бўлган. У “Халиско янги авлоди” картели раҳбари  – “Эль Менчо” лақаби билан танилган Немесио Осегуэра Сервантеснинг қўлга олиниши ва ўлдирилиши ортидан пост қолдирган. Постда 2025 йилдаги унинг зўравонлиги акс этган видеога изоҳ берилиб, Шейнбаум картель раҳбари айтган фикрларни такрорлаётгани иддао қилинган.

Президент Шейнбаум матбуот анжуманида ҳукумат юристлари вазиятни ўрганаётганини ва судга мурожаат қилиш эҳтимоли борлигини маълум қилган. У, шунингдек, мамлакат хавфсизлик сиёсати кескинлаштирилмаслигини, асосий мақсад тинчлик ва барқарорликни таъминлаш эканини таъкидлаган.

Маълумот учун, “Эль Менчо” Мексикадаги энг йирик наркокартеллардан бирининг раҳбари эди. У жорий йилнинг 23 февраль куни ҳукумат томонидан ўтказилган махсус ҳарбий амалиёт вақтида ҳалок бўлганди.

Эслатиб ўтамиз, аввалроқ Мексиканинг Халиско штатида жойлашган қамоқхоналардан бирида юзага келган қуролли ҳужум ва тартибсизликлар оқибатида 23 нафар маҳбус қочиб кетганди.