Мбаппе янги рекорд ўрнатди

ПСЖ Лига 1 26-тури доирасида “Нант”клубини мағлуб этди (4:2). Голлардан бирини парижликлар ҳужумчиси Килиан Мбаппе киритди ва шу тариқа у клуб тарихидаги энг яхши тўпурарга айланди. Бу ҳақда “RMC Sport” хабар берди.

Шундай қилиб, Мбаппе ПСЖдаги голлари сонини 201 тага етказиб, бу борада клубнинг мутлақ рекордчиси бўлиб олди. Мбаппе ушбу кўрсаткич бўйича Эдинсон Каванини ортда қолдирди.

“Нант”га қарши ўйин якунлангач, Мбаппе янги рекорди ҳақида фикр билдирди. 

“Рекордни янгилашимни билардим. Учрашув охирида гол уриш жуда ёқимли ҳолат. ПСЖда ўйнаш – бу шараф. Мен бу ерда футболчи сифатида ўсдим, жуда ўзгардим. Бу шахсий ютуқ, лекин мен бу ерга бошқа мақсад учун келганман. ПСЖда менга кўп нарсани ўргатган жамоадошларим, мураббийлар, раҳбарият ва мухлисларга раҳмат айтаман. Биз Европа Чемпионлар лигасида кейинги босқичга чиқиш учун Мюнхенга борамиз. Ўйинга тайёрмиз!”, дейди Мбаппе.

26 турдан сўнг, ПСЖ Лига 1 турнир жадвалида 63 очко билан етакчилик қилмоқда. Клубнинг энг яқин таъқибчиси “Марсель” ҳисобида 55 очко мавжуд.