Маунт “Челси”дан нега кетганини маълум қилди
Спорт
−
07 Июль 2023 3194
“Манчестер Юнайтед” ярим ҳимоячиси Мейсон Маунт “Челси”ни тарк этиши сабабини айтди.
“Бир неча ой олдин мен “Челси” режаларининг бир қисми эмаслигимни англадим. Менга “Манчестер Юнайтед” таклиф билан чиққанида дарҳол трансферга рози бўлдим. Бу клубда кўплаб афсонавий футболчилар тўп сурган. Мен бу жамоанинг бир қисми бўлишни хоҳладим”, дейди Маунт.
Қайд этилишича, 24 ёшли англиялик футболчининг трансфери учун “қизил иблислар” 60 миллион евродан кўпроқ пул тўлайди.
Маунт “Челси” тарбияланувчиси ва у 2005 йилдан бери Лондон клуби тизимида тўп тепиб келаётганди. У “кўклар”нинг асосий жамоасида 197 ўйинда 33 та гол урди ва 37 та голли узатмани амалга оширди. Маунт “Челси” билан учта совринни қўлга киритди – Европа Чемпионлар лигаси, UEFA Суперкубоги ва клублар ўртасидаги Жаҳон чемпионати. Бу “Манчестер Юнайтед”нинг ёзги трансфер ойнасидаги илк хариди бўлди.
