Маск-Трамп жанжали тугади. Илон узр сўради

Америкалик миллиардер Илон Маск ўтган ҳафта жамоатчилик орасида шов-шувга сабаб бўлган АҚШ Президенти Дональд Трамп ҳақидаги сўзлари учун афсусда эканини билдирди. Бу ҳақда у бугун, 11 июнь куни Х ижтимоий тармоғида ёзди.

“Ўтган ҳафта Президент Дональд Трамп ҳақидаги баъзи постларимдан афсусдаман. Улар жуда узоққа чўзилиб кетди”, деб ёзди Илон Маск.

Миллиардер ва Президент ўртасидаги можаро тадбиркор Ҳукумат самарадорлиги департаменти (DOGE) бошлиғи лавозимини тарк этганидан сўнг дарҳол юзага келди. Бошқа нарсалар қаторида у Президент томонидан имзоланган бюджет лойиҳасини “жирканчлик” деб атади.

Трамп бунга жавобан тадбиркор ақлдан озганини ва Маскнинг компаниялари билан ҳукумат шартномаларини бекор қилиш билан таҳдид қилганини айтди.

Кейин у барча Crew Dragon кемаларини фойдаланишдан чиқаришга ваъда берди, лекин тез орада фикрини ўзгартирди.

Миллиардер, шунингдек, Президентнинг жинсий жиноятда айбланган молиячи Жеффри Эпштейн ишига алоқадорлиги тахмин қилинганини айтди, бироқ тез орада бу постни ўчириб ташлади.