“Нуроний” жамғармаси раиси ўзгарди
Жамият
−
17 Январь 2020 18077
Ўзбекистон фахрийларнинг ижтимоий фаолиятини қўллаб-қувватлаш “Нуроний” жамғармаси Васийлик кенгашининг кенгайтирилган йиғилиши бўлиб ўтди. Бу ҳақда ЎзА хабар берди.
Йиғилишда ташкилий масала кўрилди. “Нуроний” жамғармаси Васийлик кенгаши қарорига кўра, шу пайтга қадар жамғарманинг республика бошқаруви раиси лавозимида ишлаб келган Шуҳрат Жалилов бошқа ишга ўтганлиги сабабли лавозимидан озод этилди.
Унинг ўрнига Ўзбекистон Қаҳрамони Содиқжон Турдиев “Нуроний” жамғармаси республика бошқаруви раиси этиб сайланди.
Йиғилишда “Нуроний” жамғармаси Васийлик кенгаши аъзолари, республика бошқаруви ходимлари, давлат ва жамоат ташкилотлари раҳбарлари иштирок этди.
Содиқжон Турдиев 2012 йилда Фермерлар кенгаши раиси, 2013 йилда ЎзЛиДеП етакчилигига сайланган. 2018 йил августида эса партия раислигидан кетиб, Андижоннинг Жалақудуқ тумани ҳокими лавозимига тайинланганди.
Live
Барчаси