Махачевнинг кейинги рақиби Оливейра эмас – Абдул-Азиз

Енгил вазн тоифасида UFC чемпиони Ислом Махачевнинг менежери Али Абдул-Азиз мижозининг кейинги рақиби ким бўлишини айтди. Бу ҳақда у ўзнинг ижтимоий тармоқлардаги саҳифаларида маълум қилди.

Менежернинг сўзларига кўра, доғистонлик чемпионнинг навбатдаги рақиби Чарльз Оливейра эмас, балки Арман Царукян ёки Илия Топурия бўлиш эҳтимоли катта.

“Исломнинг режаси бошқача. У промоушен раҳбарияти режалаштираётганидек, Оливейра билан эмас, балки Арман Царукян ёки Илия Топурия билан жанг қилмоқчи. Чунки энди Исломга Чарльз билан жанг қизиқ эмас. Аммо олдиндан бирор нарса деб бўлмайди. Вазият кутилмаганда ўзгариши мумкин”, дейди Абдул-Азиз.

Эслатиб ўтамиз, кеча, 19 январь куни АҚШнинг Лос-Анжелес шаҳрида йилнинг илк рақамли турнири UFC 311 бўлиб ўтди. Кечанинг марказий жангида енгил вазн тоифаси чемпиони Ислом Махачев даъвогар Ренато Мойканони биринчи раунддаёқ бўғиш услуби орқали мағлуб этди.