Махачевнинг допинг истеъмол қилгани бўйича ҳеч қандай далил топилмади

Спорт

image
0:00
0:00
download

Австралия яккакураш комиссияси россиялик жангчи Ислом Махачевнинг тақиқланган дори воситаларини истеъмол қилганига оид ҳеч қандай далил топмади ва антидопинг қоидаларининг бузилиши бўйича тергов очишдан бош тортди. Бу ҳақда “MMA News” хабар берди.

Бир неча кун олдин австралиялик жангчи Александр Волкановски ва унинг ҳамюрти Ден Хукер Махачевни ноқонуний моддаларни истеъмол қилганликда ва ноқонуний тикланиш усулларидан фойдаланганликда айблаган эди. Россиялик жангчи бу айбловларни рад этиб, Австралия атлетика комиссияси (AIS)га қон топширди.

“Австралия яккакураш комиссияси жанговар спорт турларидаги фирибгарликнинг ҳар қандай шаклини қўллаб-қувватламайди, комиссия Бутунжаҳон антидопинг агентлиги (WADA) билан мос келадиган аниқ сиёсатга эга. Комиссияда Махачев иши бўйича ишончли далиллар йўқ. Махачев ишида бирорта далил топилмагунича, комиссия унинг устидан тергов олиб бормайди”, дейилади AIS баёнотида.

Эслатиб ўтамиз, 12 февраль куни Махачев Австралиянинг Перт шаҳрида бўлиб ўтган UFC турнирида ҳакамларнинг бир овоздан чиқарган қарори билан Волкановскини мағлуб этди ва ташкилотнинг енгил вазн тоифасида чемпионлик унвонини ҳимоя қилди. 31 ёшли спортчи UFC'да 24 ғалаба ва 1 мағлубият қайд этган.


Мақола муаллифи

Теглар

UFC Ислом Махачев

Баҳолаганлар

0

Рейтинг

3

Мақолага баҳо беринг

Дўстларингиз билан улашинг