Макгрегор операцияни муваффақиятли ўтказганини айтди

Икки вазн тоифасида собиқ UFC чемпиони Конор Макгрегор яқинда олган жароҳатидан сўнг, оёғидаги операция муваффақиятли ўтганини маълум қилди. Бу ҳақда Макгрегор Instagram саҳифасида маълум қилди.

“Операция жуда яхши ўтди. Мен ўз кучим ва имкониятларимга ишонаман”, деб ёзди Макгрегор.

У қисқа хабар билан чекланиб, унга фото ёки видео илова қилмади.

Эслатиб ўтамиз, Макгрегор жароҳати сабаб узоқ танаффусдан кейин яқинда октагонга қайтган эди. У UFC 329 турнирининг асосий жангида америкалик Макс Холлоуэйга қарши жанг қилди.
Мазкур турнир UFC тарихидаги энг катта даромад келтирган мусобақага айланди.

Бу Макгрегор учун сўнгги беш йил ичидаги илк жанг бўлди. У баҳсни фаол бошлади, аммо сакраб ҳужум қилишга уринган вақтида оёғини жароҳатлаб олди. Шундан сўнг, ирландиялик бир неча бор мувозанатини йўқотди. Жангнинг 69-сониясида ҳакам баҳсни тўхтатди ва техник нокаут натижасини қайд этди.

Кейинчалик Макгрегор Макс Холлоуэйга қарши реванш баҳсида олган жароҳатидан кейин илк бор мурожаат қилиб, UFC билан тузган шартномаси доирасида яна битта жанг ўтказиш режаси борлигини маълум қилди.

Шунингдек, собиқ чемпионнинг жиддий жароҳат олгани ва тикланиш жараёни тахминан бир йил давом этиши мумкинлиги хабар қилинган.