Макгрегор Канелони қўлсиз ҳам мағлуб эта олишини айтди

Икки вазн тоифасида собиқ UFC чемпиони иралндиялик Конор Макгрегор ва бокс бўйича ўрта вазн тоифасида мутлақ жаҳон чемпиони мексикалик Сауль Альварес (Канело) ижтимоий тармоқда баҳслашиб қолди.

“Мен чап қўлман, Жон Райдер чап қўл, Билли Жо Сондерс чап қўл –  Канелони енгиш учун нима қилиш кераклигини биламан. Ҳеч қандай муаммосиз Канеллога қарши жанг қилган бўлардим”, дейди Макгрегор.

Конорнинг фикрларига Алварес жавоб қайтарди.

“Мен уни нима деганини кўрмадим, чунки ҳозир менинг телефонимда ижтимоий тармоқ йўқ, лекин мен уни бир қўлим билан уриб қўяман”, дейди Сауль Алварес.

Макгрегор трэш-токингни тўхтаб қолишини истамади.

“Канело, эй кичкина сариқ сосиска! Мен сени умуман қўлсиз урган бўлардим. Буни унутма”, дейди Конор.

Конор Макгрегор профессионал боксда ҳам битта жанг ўтказган.  Унга америкалик бокс афсонаси Флойд Мейвезер рақиблик қилган. Мазкур тўқнашув Конорнинг техник нокаутга учраши билан якунланган.

Муҳсинжон Умурзоқов