Мадримов билан классик жанг кўрсатамиз – Ортис

Бокс бўйича супер ярим ўрта вазн тоифасида WBC Interim камари соҳиби Виржил Ортис бўлажак рақиби, ўзбекситонлик Исроил Мадримовга қарши жанг ҳақидаги фикрини билдирди.

“Мен ҳар қандай чақирувни қабул қиламан. Ушбу кардда эканимга ташкилотчилардан миннатдорман. Бу ерда бўлиш мен учун катта шараф. Мен энг яхшилар билан жанг қилмоқчиман. Бу айнан ким бўлиши муҳим эмас. Богачукдан кейин Кроуфорд билан жанг ўтказмоқчи эдим. Буни амалга оширишнинг имкони бўлмади. Энди Мадримов билан жанг қиламан. Мен ўтмишдаги машҳур боксчилардек ном қозонишни хоҳлайман. Бу менинг асосий мақсадим. Исроил билан классик жанг кўрсатамиз. Мадримов тажрибали боксчи ва мен унга қарши рингга чиқаётганидан хурсандман", дейди Ортис.

Маълумот ўрнида, Исроил Мадримов ва Виржил Ортис ўртасидаги жанг 22 февраль куни Ар-Риёд шаҳрида WBC'нинг вақтинчалик чемпион камари учун бўлиб ўтади. Ушбу кечанинг марказий жангида ярим оғир вазн тоифасида мутлақ Жаҳон чемпиони Артур Бетербиев ҳамюрти Дмитрий Биволга қарши барча камарларини ҳимоя қилади.

Эслатиб ўтамиз, аввалроқ, ҳар икки боксчи жанголди “нигоҳлар тўқнашуви”да иштирок этгани ҳақида хабар қилинганди.