Конор Оливейра билан жанг қиладими? UFC президенти жавоб берди

UFC президенти Дана Уайт икки вазн тоифасида собиқ UFC чемпиони Конор Макгрегорнинг кутилаётган чемпионлик жанги ҳақидаги фикрлари билан ўртоқлашди.

“Енгил вазн тоифасида ишлар қандай кетаётганини кўриб чиқишимиз керак. Кўп нарса Конор қайтганида ким чемпион бўлишига боғлиқ бўлади. Бундай ҳолларда чемпионлар ҳам ўз сўзини айтишади. Агар мутлақ етакчи ҳали ҳам Оливейра бўлса, у Конор билан жанг қилиши мумкин. 

Унинг қайтиши билан боғлиқ кўплаб вариантлар мавжуд, лекин биринчи навбатда, унинг оёғи ва умуман соғлиғидан келиб чиқиш керак. Ҳаммаси 100 фоиз аниқ бўлгач, биз нима қилишимизни ҳал қилиб оламиз", дейди Уайт "The Underground" YouTube каналига берган интервьюсида.

Маълумот учун, Макгрегорнинг сўнгги жанги 10 июлдан 11 июлга ўтар кечаси UFC-264 турнирида Дастин Порье билан бўлиб ўтганди. Унда Конор оёғини синдириб, жангни биринчи раунддаёқ тўхтатишга мажбур бўлган.

Шахбоз Қаҳҳоров