Конор Ҳабибга қарши реванш жанги хоҳламоқда
Спорт
−
18 Январь 2021 6953
Икки вазн тоифасида собиқ UFC чемпиони Конор Макгрегор UFC'нинг енгил вазн тоифасида амалдаги чемпиони Ҳабиб Нурмуҳамедовни жангга чорлади.
“Мен бунинг учун келдим. Мен тайёрман ва реванш хоҳлайман. Қизиқ, Ҳабиб бундан кейин нима дейди?” деган Макгрегор.
Эслатиб ўтамиз, жорий йил 16 январь куни Нурмуҳамедов UFC Президенти Дана Уайт билан бўлган суҳбатида ўз фаолиятини қайта бошлашга тайёр эканлигини эълон қилган ва бунинг учун шарт қўйганди.
Ҳабиб Нурмуҳамедов ва Конор Макгрегор ўзаро 2018 йилда тўқнаш келишган. Ўша жангда Конор “Доғистон бургути”га қарши уч дақиқа чидаб бериб, мағлуб бўлган.
Маълумот ўрнида, Ҳабиб Нурмуҳамедов 2020 йил 24 октябрь куни Aбу-Дабидаги “Жанглар ороли”да америкалик Жастин Гэтжини мағлубиятга учратганидан сўнг, спортдаги фаолияти якунланганини эълон қилган эди.
Live
Барчаси
