Ким Чен Ин Путинга табрик йўллади
Олам
−
12 Июнь 4900 2 дақиқа
Шимолий Корея раҳбари Ким Чен Ин бугун 12 июнь куни Россия куни муносабати билан Россия Президенти Владимир Путинга табрик йўллаб, Москванинг ички ва ташқи сиёсатини тўлиқ қўллаб-қувватлашини билдирди. Бу ҳақда Шимолий Корея марказий ахборот агентлиги хабар қилди.
Ким Чен Иннинг таъкидлашича, Шимолий Корея ва Россия ўртасидаги муносабатлар кенг қамровли стратегик шериклик шартномасига асосланган иттифоқ даражасигача мустаҳкамланмоқда. У, шунингдек, Пхеньян “ҳамиша Россия билан бирга бўлишини” қайд этган.
Шу билан бирга, Россия куни муносабати билан Россия ва Шимолий Корея расмийлари совет армиясининг ҳалок бўлган жангчилари ёдгорлиги ва қабристонига ташриф буюрган. Россия элчихонаси эса КХДРнинг юқори лавозимли амалдорлари учун қабул маросими ўтказган.
Сўнгги йилларда икки мамлакат ўртасидаги алоқалар сезиларли даражада мустаҳкамланди. Бу жараён Шимолий Кореянинг Россиянинг Украинадаги урушида иштирок этиш учун минглаб ҳарбий хизматчиларни юбориши фонида кечмоқда.
Вашингтон ва Сеуль Пхеньянни Россияга Украинада қўллаш учун артиллерия снарядлари, ракеталар ва бошқа ҳарбий материаллар етказиб беришда айблаб келади. Бироқ Москва ва Пхеньян қурол-яроғ етказиб берилганини рад этмоқда.
Аввалроқ, Владимир Путиннинг 2024 йил июнь ойида Пхеньянга ташрифи чоғида икки давлат стратегик шериклик шартномасини имзолаган эди. Шунингдек, томонлар икки мамлакатни боғловчи муҳим қуруқлик кўприги қурилиши бўйича ҳам келишувга эришган.
Маълумот учун, Россия куни ҳар йили 12 июнь куни нишонланадиган Россиянинг асосий давлат байрамларидан бири ҳисобланади.
Бу сана 1990 йил 12 июнда ўша пайтдаги Россия Совет Федератив Социалистик Республикаси (РСФСР) Халқ депутатлари қурултойи томонидан Давлат суверенитети тўғрисидаги декларация қабул қилинган кун билан боғлиқ. Мазкур ҳужжат Россия қонунларининг СССР қонунларидан устунлигини эълон қилган ва мамлакатнинг мустақил давлат сифатида шаклланишига йўл очган.
Эслатиб ўтамиз, аввалроқ Шимолий Корея етакчиси Ким Чен Ин съезд давомида ёшларни Корея Меҳнат партияси вазифаларини бажаришда асосий куч деб атади ва уларни Украинадаги урушда Россия томонида туриб жанг қилишга тарғиб қилган эди.
Ким Чен Иннинг таъкидлашича, Шимолий Корея ва Россия ўртасидаги муносабатлар кенг қамровли стратегик шериклик шартномасига асосланган иттифоқ даражасигача мустаҳкамланмоқда. У, шунингдек, Пхеньян “ҳамиша Россия билан бирга бўлишини” қайд этган.
Шу билан бирга, Россия куни муносабати билан Россия ва Шимолий Корея расмийлари совет армиясининг ҳалок бўлган жангчилари ёдгорлиги ва қабристонига ташриф буюрган. Россия элчихонаси эса КХДРнинг юқори лавозимли амалдорлари учун қабул маросими ўтказган.
Сўнгги йилларда икки мамлакат ўртасидаги алоқалар сезиларли даражада мустаҳкамланди. Бу жараён Шимолий Кореянинг Россиянинг Украинадаги урушида иштирок этиш учун минглаб ҳарбий хизматчиларни юбориши фонида кечмоқда.
Вашингтон ва Сеуль Пхеньянни Россияга Украинада қўллаш учун артиллерия снарядлари, ракеталар ва бошқа ҳарбий материаллар етказиб беришда айблаб келади. Бироқ Москва ва Пхеньян қурол-яроғ етказиб берилганини рад этмоқда.
Аввалроқ, Владимир Путиннинг 2024 йил июнь ойида Пхеньянга ташрифи чоғида икки давлат стратегик шериклик шартномасини имзолаган эди. Шунингдек, томонлар икки мамлакатни боғловчи муҳим қуруқлик кўприги қурилиши бўйича ҳам келишувга эришган.
Маълумот учун, Россия куни ҳар йили 12 июнь куни нишонланадиган Россиянинг асосий давлат байрамларидан бири ҳисобланади.
Бу сана 1990 йил 12 июнда ўша пайтдаги Россия Совет Федератив Социалистик Республикаси (РСФСР) Халқ депутатлари қурултойи томонидан Давлат суверенитети тўғрисидаги декларация қабул қилинган кун билан боғлиқ. Мазкур ҳужжат Россия қонунларининг СССР қонунларидан устунлигини эълон қилган ва мамлакатнинг мустақил давлат сифатида шаклланишига йўл очган.
Эслатиб ўтамиз, аввалроқ Шимолий Корея етакчиси Ким Чен Ин съезд давомида ёшларни Корея Меҳнат партияси вазифаларини бажаришда асосий куч деб атади ва уларни Украинадаги урушда Россия томонида туриб жанг қилишга тарғиб қилган эди.
Live
Барчаси
