Kia Carens – Ўзбекистон учун шаҳар кроссоверининг янги версияси

2026 йил 10 январь куни Kia брендининг Ўзбекистондаги расмий дистрибьютори ADM компаниялар гуруҳи мамлакат автомобиль бозорида Carens’нинг янги версияси ишга туширилганини эълон қилди. Мазкур янги автомобиль ҳар бир аъзоси динамика, қулайлик ва хавфсизлик қадрлайдиган катта оила учун энг мақбул ечимга айланиши керак.

Янгиланган версиядаги Kia Carens “Қарама-қаршиликлар бирлиги” бренди фалсафасидан таъсирланган. Мазкур ёндашув Kia компаниясининг замонавий мижоз эҳтиёжларига жавобан инновациялар, хавфсизлик ва қулайликни ўзида мужассам этган мобилликни қайта кўриб чиқишга қаратилган илғор қарашларини акс эттиради.

Янги Kia Carens аввалги авлодга нисбатан сезиларли даражада олдинга силжиш бўлиб, ташқи кўриниш, интерьер ва жиҳозланишда кенг кўламли такомиллаштиришларни таклиф этади.

Ташқи томондан, модель дадил янги дизайн йўналишига эга бўлди – кузовнинг олд ва орқа қисмлари бутунлай қайта кўриб чиқилди, бу эса автомобилга янада ишончли, йўлтанламас услубдаги жойлашувни таъминлайди. Янгиланган капот, радиаторнинг ифодали панжараси, “Юлдузлар харитаси” концепциясидаги вертикал LED оптикаси ва “Муз бўлаклари” концепциясидаги LED MFR фаралари олд томондан ифодали кўринишни ҳосил қилади. Янги бампер дизайни мустаҳкам ҳимоя қопламаси билан ажралиб туради.

Орқа томондан замонавий динамик кўринишни “Юлдузлар харитаси” концепциясидаги бежирим чироқлар яратади – флагман моделлари каби кузовнинг бутун кенглигини қамраб олувчи LED тасмаси. Юкхонанинг кенг эшиги фронтал кўриниш билан услуб бирлигини сақлаб қолган ҳолда мустаҳкам қоплама билан ажралиб туради.

 Янги 17 дюймли кристалл шаклидаги енгил қотишмали дисклар ва томдаги янгиланган рейлинглар моделга электромобиллардан илҳомланган Kia дизайн кодини акс эттирувчи тугал кўриниш беради.

Ўз сегментида улкан ғилдирак базасига эга бўлган янги Kia Carens йўловчиларга ажойиб кенглик ва қулайликни тақдим этади.

Автомобилнинг ички қисми тўлиқ қайта ишланган – унда қулайлик ва меҳмондўстлик ҳиссини яратувчи ихчам, нафис дизайн устунлик қилмоқда. Олд панелнинг янги эстетик шакли салонга футуристик, технологик характер беради, эшик тутқичларини ўз ичига олган янгиланган интерьер элементлари эса замонавийлик ва нафосатнинг умумий таассуротини кучайтиради.

Қурилма панели металл ўрнатмалар билан безатилган. Олд панель, олд ва орқа эшиклардаги кўп рангли атмосфера ёритгичлари 64 хил турдаги ранглардан бирини танлаш имконини беради. Универсал ва интуитив мультимедиа ва иқлим назорати бошқарув панели консолнинг марказий қисмида қулай тарзда жойлашган.

Янги панорамали дисплей эътиборни ўзига тортади. У 12,3 дюймли қурилмалар панели ва 12,3 дюймли ахборот-кўнгилочар тизим экранини бирлаштириб, янада кучли иммерсив эффект ҳосил қилади. Мультимедиа тизими интерфейси тўлиқ ўзбек тилига таржима қилинди.

Электр юритмали люк сизга очиқлик, эркинлик ва ҳашамат туйғусини тақдим этади, биринчи қатордаги вентиляцияли ўриндиқлар эса энг иссиқ ҳавода ҳам қулай ҳаракатланиш имконини беради.

Куч агрегатларининг пухта ўйланган туркуми қуйидагиларни танлашни таклиф қилади: ёш ва фаол фойдаланувчилар учун – 7 поғонали DCT билан уйғунликда минутига 5500 айланиш тезлигиги бўлган 160 от кучига эга 1,5 Turbo-GDI динамик двигатели, амалий фойдаланувчилар учун эса – CVT вариатори билан уйғунликда минутига 6300 айланиш тезлиги бўлган 115 от кучига эга 1,5 MPI ишончли двигатели. Drive Mode Select ҳаракатланиш режимини танлаш тизими автомобилни ўзингиз ёқтирган ҳаракат услубига созлашга ёрдам беради.

Модель, шунингдек, қулайлик ва хавфсизлик учун кенгайтирилган технологиялар ва функциялар тўпламини қўлга киритди. Ҳайдовчига ёрдам беришнинг илғор тизими (ADAS) Stop&Go функциясига эга интеллектуал круиз назорати (SCC), тўғри йўлда олдиндан тўқнашувни олдини олиш тизими (FCA), ҳаракатланиш йўл қисмидан чиқиб кетишни олдини олиш тизими (LKA), доира бўйлаб кўриш тизими (SVM) ва бошқаларни ўз ичига олади.

Автомобиль олтита хавфсизлик ёстиқчаси билан жиҳозланган: олдинги қўш ёстиқлар, олд ён ёстиқлар, шунингдек, хавфсизлик пардалари.

Электр тарзда созланишга эга ҳайдовчи ўриндиғи, электр тўхтаб туриш тормози (EPB), барқарорлаштириш (ESC) ва шиналардаги босимни назорат қилиш (TPMS) тизимлари, тоғдан пастга тушиш (DBC) ва тоққа кўтарилишда (HAC) ёрдамчилари, олд ва орқа автотураргоҳга жойлаштириш датчиклари, барча ғилдираклардаги дискли тормозлар ва бошқалар – буларнинг барчаси кундалик сафарларда шинамлик, қулайлик ва хавфсизлик даражасини оширишга ёрдам беради.

Ўзбекистонда Kia Carens 8 хил рангдаги кузовда, жумладан, янги бўлган фил суяги рангида (Ivory Silver Gloss) тақдим этилади. Интерьер комбинацияланган: марказий қисмда қора безак ҳамда юқори ва пастки қисмларда оч рангли ўрнатмалар билан биргаликда. Ўриндиқлар сунъий чарм билан қопланган. Барча материаллар истеъмолчи тажрибасини ҳисобга олган ҳолда ва юқори дид билан танланган.

Янгиланган Kia Carens узоқ муддатли – 5 йил ёки 150 000 км йўл босиш кафолатига эга (қайси бири аввал юзага келишига қараб).

Янги Kia Carens замонавий оилалар учун мавжуд бўлиб, премиум тоифадаги бошқарув тажрибасини таклиф қилмоқда ҳамда ҳозирда тўртта комплектатсияда тақдим этилган:

• Comfort – 339 900 000 сўм;
• Luxe – 369 900 000 сўм;
• Premium CVT – 429 900 000 сўм;
• Premium 7DCT – 449 900 000 сўм.

Kia Carens’нинг Ўзбекистон бозоридаги комплектатсиялари ва нархлари ҳақида батафсил маълумотларни kia.uz сайтидан ёки бренднинг расмий дилерлик марказларидан олишингиз мумкин.

Телефон: +998555008333

Сайт | Facebook | Instagram | Telegram | YouTube

Реклама ҳуқуқи асосида