Xvicha Kvaratsxeliya mavsum yakuniga qadar safdan chiqdi

Fransiyaning “Pari Sen-Jermen” klubi gruziyalik qanot hujumchisi Xvicha Kvaratsxeliya oldingi xochsimon bog‘lamini yirtib olganini ma’lum qildi. Bu haqda klub matbuot xizmati xabar berdi.

Mahalliy OAVlarning xabariga ko‘ra, gruziyalik futbolchi joriy mavsumda maydonga qaytolmaydi.

Kvaratsxeliya kecha, 20 oktyabr kuni Chempionlar ligasi umumiy bosqichining uchinchi turida “Barselona”ga qarshi kechgan va PSJning 4:2 hisobidagi g‘alabasi bilan yakunlangan uchrashuvning ikkinchi bo‘limida jarohati sababli almashtirilgan edi. Parijliklar futbolchi operatsiya qilinishini ma’lum qildi.

Shuningdek, klub matbuot xizmati fransuz qanot hujumchisi Usmon Dembele va braziliyalik himoyachi Markinos ham “Barselona”ga qarshi bahsda jarohat olganini xabar qildi. Ikki futbolchi ham son qismidan shikastlangan bo‘lib, bir necha hafta davomida maydonga tusha olmaydi.

Ma’lumot uchun, 25 yoshli Kvaratsxeliya 2025 yil qishida PSJ safiga qo‘shilgan. U jamoa bilan ikki marta Chempionlar ligasi va Fransiya chempionligi, shuningdek, ikki marta UEFA Superkubogida g‘olib chiqqan.

Joriy mavsumda Kvaratsxeliya barcha musobaqalarda 11 ta uchrashuvda maydonga tushib, ikki gol va bir golli uzatma muallifi bo‘ldi.