Хориждаги ўзбекистонликлар паспортни консулликдан олишлари мумкин

Жамият

image

Ўзбекистон Республикаси Вазирлар Маҳкамасининг жорий йилнинг 30 январь қарори билан консуллик рўйхатида турувчи Ўзбекистон фуқароларига хорижга чиқиш биометрик паспортини бериш тартиби белгиланди.

Тасдиқланган низомга кўра, ушбу фуқароларга хорижга чиқиш биометрик паспортини бериш, расмийлаштириш ва алмаштириш:

•    хориждаги консуллик муассасалари;

•    Ташқи ишлар вазирлигининг Консуллик-ҳуқуқий департаменти;

•    Ташқи ишлар вазирлигининг Қорақалпоғистон Республикаси ва вилоятлардаги бўлинмалари томонидан амалга оширилади.

Консуллик муассасалари томонидан хорижга чиқиш биометрик паспорти қуйидаги Ўзбекистон фуқароларига расмийлаштирилади:

•    хорижда доимий яшайдиган ва доимий консуллик рўйхатида турадиган;

•    Ўзбекистон ҳудудида доимий яшайдиган ва 6 ойдан кўп муддатга хизмат сафари, ўқиш, даволаниш, контракт бўйича ишлаш, оиласи билан бирлашиш мақсадида хорижга вақтинчалик яшаш учун чиққан ҳамда консуллик муассасаларида вақтинчалик рўйхатда турган.

Хорижга чиқиш биометрик паспортини расмийлаштириш Ўзбекистон ҳудудида маълумотларни йиғиш пункти томонидан қабул қилинган кундан бошлаб 10 кун муддатда, хорижда эса – дипломатик почта жўнатилиши жадвалига мувофиқ амалга оширилади.


Мақола муаллифи

Теглар

биометрик паспорт

Баҳолаганлар

71

Рейтинг

3.1

Мақолага баҳо беринг

Дўстларингиз билан улашинг