Хоразмга янги прокурор тайинланди
Жамият
−
27 Февраль 2023 7909
Бугун, 27 февраль куни Муродхон Мусохонович Аҳмедов Хоразм вилояти прокурори лавозимига тайинланди. Бу ҳақда ЎзА хабар берди.
Қайд этилишича, ушбу янгилик Хоразм вилоятида секторлар, ҳуқуқни муҳофаза қилиш идоралари ва давлат ташкилотлари раҳбарлари иштирокидаги йиғилишда маълум қилинган. Тайинловга қадар Муродхон Аҳмедов Фарғона вилояти прокурори ўринбосари лавозимида ишлаб келган.
Йиғилишда Ўзбекистон Бош прокурори Ниғматилла Йўлдошев ҳамда Хоразм вилояти ҳокими вазифасини бажарувчи Жўрабек Раҳимов ҳам қатнашган.
Ўзбекистон Республикаси Бош прокурори Ниғматилла Йўлдошев сўзга чиқиб, вилоятда фуқароларнинг қонуний ҳуқуқ ва манфаатларини ҳимоя қилиш, жиноятчиликка қарши кураш борасида амалга оширилган ишлар хусусида тўхталиб, келгусидаги ишларни белгилаб берган.
Алибек Бейжанов
Live
Барчаси