Холанд ва Мбаппе Роналду ва Мессининг давомчиси бўлади – Игуаин

Эрлинг Холанд ва Килиан Мбаппе ўртасидаги қарама-қаршилик Криштиану Роналду ва Лионель Месси ўртасидаги рақобатнинг давомига айланиши мумкин. "Интер Маями"нинг аргентиналик ҳужумчиси Гонсало Игуаин шундай фикр билдирди.

Гонсало “Sport Illustrated” нашрига берган интервьюсида Мбаппе “Реал Мадрид”га ўтадиган бўлса,  мадридликларни чўққига олиб чиқиши мумкинлигини ҳам таъкидлаб ўтган.

“Барча футболчилар қайсидир босқичда фаолиятини якунлашади. Шунингдек, Месси ва Роналду ҳам вақти келиб, футболдаги саргузаштларини тугатади. Ўйлайманки, Мбаппе ва Холанд уларнинг ўртасидаги рақобатнинг давомчилари бўлишади. Мбаппе "Реал Мадрид"га ўтиши мумкинми? Шундай бўлган тақдирда, Килианда "Реал"ни чўққига олиб чиқиш учун барча фазилат ва хусусиятларга эга", деган Игуаин.

Маълумот ўрнида, айн пайтда Эрлинг Холанд Германиянинг "Боруссия Дортмунд" клуби шарафини ҳимоя қилади. Жорий мавсумда  дортмундликлар сафида 20 та баҳсда майдонга тушиб 23 та гол ва 6 голли узатмани амалга оширган. “Тransfermarkt” портали уни 150 миллион еврога баҳоламоқда.

Килиан Мбаппе эса "Пари Сен-Жермен" таркибида 34 та учрашувда 24 та гол ва 17 та голли узатмага муаллифлик қилган. “ Transfermarkt” портали фанциялик ҳужумчига 160 миллион евролик нарх белгилаган.

Маъруф Абдумаликов