Хитой БМТни Япония нисбатан қарши ҳужум қилишдан огоҳлантирди

north_east

Хитой Ўзбекистонни Тайвань масаласида огоҳлантиргани маълум бўлди

Хитойнинг Бирлашган Миллатлар Ташкилотидаги доимий вакили Фу Цун ташкилот Бош котиби Антониу Гутерришга хат юбориб, агар Япония Тайвань бўғозига қуролли аралашувга уринса, Пекин ўзини ҳимоя қилиш ҳуқуқидан фойдаланишини маълум қилди. Бу ҳақда Хитойнинг расмий ахборот агентлиги “Синхуа” хабар берди. 

“Агар Япония Тайвань бўғозига қуролли аралашувга уринишга журъат этса, бу тажовузкорлик ҳаракати ҳисобланади. Хитой БМТ Низомига мувофиқ ўзини ҳимоя қилиш ҳуқуқидан қатъий фойдаланади ва ўз суверенитетини қатъий ҳимоя қилади”, дейилади хатда. 

Мактубда Япония Бош вазири Бош вазири Санаэ Такаитининг сўнгги баёнотлари “1945 йилда Япония мағлуб бўлганидан бери биринчи марта” Япония раҳбари “Тайвандаги фавқулодда вазият”ни Япониянинг ўз хавфсизлиги ва жамоавий ўзини ҳимоя қилиш ҳуқуқи билан расман боғлагани таъкидланган. Фу Цуннинг сўзларига кўра, бу шунингдек, Токионинг ҳарбий аралашув амбицияларини билдирган ва аслида Хитойга қарши куч ишлатиш билан таҳдид қилган биринчи ҳолатдир. 

Фу Цун Такаитининг баёнотларини ўта хавфли, халқаро ҳуқуқнинг қўпол бузилиши ва япон тажовузидан азият чеккан 1,4 миллиард хитойлик ва осиёликларга қарши очиқ провокация, деб атади.

Хат БМТ Бош Ассамблеясининг расмий ҳужжати сифатида тарқатилади. 

Эслатиб ўтамиз, Япония ва Хитой ўртасидаги кескинлик Санаэ Такаити жорий йилнинг 7 ноябрь куни парламент муҳокамаси пайтида Тайвань яқинидаги мумкин бўлган ҳарбий инқироз “мавжудлик таҳдиди”ни келтириб чиқариши ва Японияни “коллектив ўзини ҳимоя қилиш ҳуқуқидан” фойдаланишга мажбур қилиши мумкинлигини айтганидан кейин кучайди. Бу Пекинда кучли норозиликни келтириб чиқарди ва Токиога жиддий огоҳлантириш берди. Осакадаги Хитой бош консули Сюэ Цзянь ўзининг ижтимоий тармоқдаги Х (собиқ Twitter) аккаунтида Япония Бош вазирининг “бошини кесиб ташлаш” билан таҳдид қилди, аммо кейинчалик пост ўчирилди. Бироздан кейин Хитой Ташқи ишлар вазирлиги ватандошларини Японияга саёҳат қилишдан огоҳлантирди. 

Тайвань 1949 йилдан бери ўз маъмурияти томонидан бошқарилади, ўшанда Чан Кайши (1887-1975) бошчилигидаги Гоминдан партиясининг қолдиқлари Хитой фуқаролар урушида мағлубиятга учраганидан кейин оролга қочиб кетишган. Ўшандан бери Тайпей коммунистлар ҳокимият тепасига келишидан олдин материкда мавжуд бўлган собиқ Хитой Республикасининг байроғи ва бошқа баъзи атрибутларини сақлаб қолди. Пекиннинг расмий позициясига кўра, у Хитойнинг ҳудуди ва кўплаб мамлакатлар буни тан олади.