Кейинги пандемия қаерда бошланиши мумкинлиги айтилди
Саломатлик
−
15 Май 2020
19581Амазонка ва Лотин Америкасидаги ёмғирли ўрмонлар кейинги пандемиянинг бошланиши жойи бўлиши мумкин. Бу ҳақда Бразилиялик эколог Девид Лапола маълум қилди.
Мутахассиснинг фикрига кўра, Амазонкада одамларнинг ҳайвонлар яшаш муҳитига таъсири тез ўсиб бормоқда. Шу жумладан ўрмонларнинг йўқ қилиниши натижасида баъзи турлар ўз яшаш жойини ўзгартирмоқда. Ушбу омил олимлар томонидан коронавируснинг янги, ҳали очилмаган турини пайдо бўлиши сабаби деб ҳисоблашади.
Лаполанинг фикрига кўра, ушбу ҳудудларнинг урбанизацияси одамларга ҳайвонлардан юқадиган касалликларнинг пайдо бўлишига ёрдам беради.
“Амазонка ўрмонлари жуда катта вируслар омборидир. Омадимизни синаб кўрмаслик яхшироқ“, дейди Лапола.
Унинг қўшимча қилишича, вирус экологик мувозанатни бузган ҳолда ҳайвонлардан юқиши мумкин. Бразилиялик эколог одамларнинг ёмғир ўрмонларига бўлган муносабатини қайта кўриб чиқишга чақирди. Унинг сўзларига кўра, бу янги вирус тарқалишининг олдини олишга ёрдам беради.