Қозоғистонда бўрон. Ўзбекистон Транспорт вазирлиги ҳайдовчиларни огоҳлантирмоқда

Жамият

image

Об-ҳаво шароитининг кескин ёмонлашуви ҳамда кучли қор бўронлари сабаб Қозоғистоннинг 9 вилоятида 48 та йўл участкасида барча турдаги автотранспорт воситаларининг ҳаракатланиши тўхтатилди. Шу муносабат билан Ўзбекистон Республикаси Транспорт вазирлиги ўзбекистонлик ҳайдовчиларга огоҳлантириш билан чиқди. Унда шундай дейилади: 

“Қозоғистон Республикаси Индустрия ва инфратузилмаларни ривожлантириш вазирлиги мабуот хизмати тарқатган маълумотларга кўра, Ўскемен-Риддер-РФ чегараси автойўлининг 15-105 км оралиғидаги (Белоусовка-Риддер) участкаси тиркамали ва ярим тиркамали юк автомобиллари учун ёпилган. 

Ўскемен-Шемонаиха-РФ чегараси трассасининг 15-105 км (Глубокое-Шемонаиха) участкаси тиркамали ва ярим тиркамали юк автолари учун ёпилди. 

Семей-Қайнар трассасининг 8-144 км оралиғидаги (Семей-Саржал), Ўскемен-Шемонаиха-РФ чегараси трассасининг 105-123 км оралиғидаги (Шемонаиха-РФ чегараси) участка ҳам ёпилган. 

“Ақтўбе-Болгарка-Шубарқудуқ” трассаси 17 км (Сазди овули) - 190 кмгача (“Ақтўбе-Астрахан” трассаси) бўлган қисмида ҳаракат бутунлай тўхтатилган. 

Ҳайдовчиларга об-ҳаво шароити яхшилангунга қадар йўлга чиқмасликларини тавсия этамиз.  

Фавқулодда вазиятга йўлиққан ҳайдовчилар 1403 рақамига мурожаат қилиши мумкин”.


Мақола муаллифи

Теглар

Қозоғистон

Баҳолаганлар

78

Рейтинг

2.9

Мақолага баҳо беринг

Дўстларингиз билан улашинг