Қозоғистон Туркиядан зирҳли техникаларни сотиб олмоқчи

Қозоғистон пойтахти Остона махсус кучлар учун турк зирҳли техникаларини харид қилиш имкониятини кўриб чиқмоқда. Бу ҳақда мамлакат Мудофаа вазири ўринбосари Султон Камалединов маълум қилди.

Қайд этилишича, жорий йил январь ойида Қозоғистон Президенти, Олий бош қўмондон Қосим Жомарт Тўқаевнинг махсус операциялар кучлари қўмондонлигини яратиш тўғрисидаги фармони эълон қилинган.

“Қўшинлар қўмондони тайинланди, махсус операциялар кучлари таркибига кирувчи қўшин ва бўлинмалар белгиланди. Уларни ҳарбий ва бошқа техниканинг тегишли намуналари билан таъминлаш, шахсий таркибни тайёрлаш чоралари кўрилмоқда”, дейди Камалединов.

Унинг сўзларига кўра, шу фармон доирасида Туркияда ишлаб чиқарилган зирҳли техника намуналари кўриб чиқилган.

“Биз ҳар қандай ҳарбий техника махсус вазифаларни бажаришга мўлжалланганини аниқ тушунишимиз керак. “АРЛАН” зирҳли машинаси махсус операциялар кучлари бўлинмалари учун мос эмас, лекин биз уларни рад этмаймиз. Биз уларни талабларга жавоб берадиган алоҳида бўлинмалар учун сотиб оламиз. Қабул қилинган ёки қабул қилинмаганига келсак, турк компанияси томонидан ишлаб чиқарилган зирҳли машиналар бўйича тегишли кўрсатмалар мавжуд. Улар бир нечта давлат томонидан қабул қилинган. Шунинг учун улар буни қабул қилиб, қуролли тўқнашувлар пайтида кўрсатган”, дейди вазир ўринбосари.