Қирғизистонда Миллий хавфсизлик орқали ишни ҳал қилиб беришни айтган фирибгар ушланди

Кеча, 6 февраль куни Қирғизистоннинг Жалолобод вилоятида мамлакатнинг махсус хизмат ходимлари Искандар Ҳамроқулов исмли шахсни фирибгарликда гумон қилиб қўлга олди. Бу ҳақда “24.kg” хабар берди.

Нашрга кўра, у Миллий хавфсизлик давлат қўмитасининг Жалолобод вилояти бўйича ҳудудий бошқармаси раҳбарияти билан яқин алоқада бўлганини айтиб, фуқароларни нотўғри йўлга бошлаган, ҳуқуқни муҳофаза қилувчи ва суд органлари томонидан жиноят таъқибига доир масалаларни ҳал этишда воситачилик хизматларини таклиф қилган.

Хусусан, ўтган йилнинг октябрь ойида Жалолобод вилояти хавфсизлик хизмати ходимлари Қоракўл шаҳар ҳокимлигининг коммунал мулкидан ер участкаларини ноқонуний олиб қўйишда айбланган Д.Н.Д. исмли шахс унинг ҳийласига тушиб қолган. Вазиятдан фойдаланиб, Искандар Ҳамроқулов “ўз алоқалари”ни назарда тутиб, айбланувчининг яқинларидан эҳтиёт чорасини ўзгартириб, жиноий таъқибни тугатиш учун 15 минг АҚШ долларини олган. Бироқ у пулларни ўзлаштириб юборган ва етказилган зарарни Д.Н.Д. қоплаган, шундан сўнг унинг иши судга юборилган.

2024 йилнинг ноябрь ойида гумонланувчи 4 йиллик қамоқ жазосини ўтаётган A.Я.И.ни алдаган. Унга суд томонидан жазони 1 миллион 287 минг сомга ўзгартиришини ваъда қилган. Биринчи ҳолатда бўлгани каби, Ҳ.И. Миллий хавфсизлик давлат қўмитаси Жалолобод вилояти бошқармаси раҳбари билан алоқалари ҳақида гапириб, юқорида кўрсатилган суммани олишга муваффақ бўлган. Айни пайтда гумонланувчи ҳибсга олинган.

Эслатиб ўтамиз, жорий йилнинг 2 февраль куни Қирғизистонда реклама баннерларига ички ишлар идоралари раҳбарларининг суратларини қўйиб, уларни интернетда тарқатган шахс ушланганди. Гумонланувчининг вақтинчалик яшаш жойини кўздан кечириш чоғида нақд пуллар, роутерлар, банк карталари, уяли алоқа компанияларининг 90 дан ортиқ SIM-карталари, SimBox ускунаси топилиб, олиб қўйилган.