Қатарда ўзбекистонлик 11 ёшли бола ҳалок бўлди

Қатарда 11 ёшли Ўзбекистон фуқароси бахтсиз йўл-транспорт ҳодисаси оқибатида вафот этди. Бу ҳақда “Дунё” хабар берди. 

Тошкент шаҳрида туғилган 11 ёшли M.A. Қатардаги сафари давомида содир бўлган йўл-транспорт ҳодисаси оқибатида бош қисмидан олган тан жароҳатлари сабабли ҳодиса жойида вафот этган.

Ўзбекистоннинг Қатардаги элчихонаси томонидан вафот этган боланинг дафн маросимини ташкил этишда амалий ёрдам кўрсатилган. 

Бу ҳақда маълумот келиб тушиши билан дипломатик ваколатхона томонидан Қатарнинг тегишли давлат идоралари билан ҳамкорликда тезкор зарур ташкилий ва ҳуқуқий масалаларни ҳал этиш чоралари кўрилган. 

Эслатиб ўтамиз, аввалроқ Андижон вилоятининг Балиқчи туманида 9 ёшли болани ЗИЛ машинаси уриб кетганди. Ушбу йўл транспорт ҳодисаси оқибатида вояга етмаган пиёда Ҳ.М. олган тан жароҳатлари билан шифохонада кўрсатилган тиббий муолажаларига қарамасдан вафот этган.