Исроил ҳаво ҳужумларида Ғазо секторида 37 фаластинлик ҳалок бўлди

Исроилнинг Ғазо секторида бугун, 4 июль куни эрталаб бошланган қатор ҳужумлари оқибатида камида 37 нафар фаластинлик, жумладан, гуманитар ёрдам кутаётган 15 киши ҳалок бўлди. Бу ҳақда “Анадолу” хабар берди.

Гувоҳларнинг сўзларига кўра, Исроил армияси ёрдам кутаётган одамлар гуруҳлари, кўчирилганлар жойлашган чодирлар, мактаб ва тураржойларни нишонга олган.

Энг йирик ҳужум Хон Юнус шарқидаги эвакуация ҳудудида содир бўлган, дастлабки маълумотларга кўра, у ерда 15 киши ҳалок бўлган, 90 га яқин киши яраланган.

Ғазо шаҳри жанубидаги Сабра маҳалласида Дейри оиласининг уйига уюштирилган ҳаво ҳужумида 3 киши ҳалок бўлди. Секторнинг марказий қисмида, Бурейж қочқинлар лагерида, Челебилар оиласининг уйига берилган ҳаво ҳужумида тўрт нафар фаластинлик ҳалок бўлди.

Хон Юнуснинг ғарбидаги Мевасида кўчирилган одамлар яшайдиган чодирга ҳаво ҳужуми уюштирилди. Тайба миноралари яқинида содир бўлган ҳужумда аксарияти аёллар ва болалар бўлган 8 киши ҳалок бўлди. Хон Юнус қирғоқлари бўйлаб иккита чодирга урилиб, тўрт киши ҳалок бўлди, бир неча киши, жумладан, аёллар ва болалар яраланди.

Британия дала шифохонаси яқинидаги одамлар ёрдам кутаётган чодирга навбатдаги ҳужум уюштирилди. Зарбада уч киши, жумладан, икки бола ҳалок бўлган.