Илон Маск Рамзан Қодировга Cybertruck бермаганини айтди

Америкалик тадбиркор Илон Маск бугун, 19 август куни Чеченистон раҳбари Рамзан Қодировга Cybertruck электромобилини бермаганини айтди. Бу ҳақда у ўзининг Х ижтимоий тармоғида ёзди.

 “Сиз ҳақиқатан ҳам россиялик генералга Cybertruck совға қилдим деб ўйлайдиган даражада ақлдан озганмисиз? Бу ажойиб. Сиз эскирган оммавий ахборот воситаларининг ёлғон гапиришига яна бир мисолсиз”, деб ёзди Маск ўзининг Х ижтимоий тармоғида New York Times” журналисти Сет Абрамсоннинг постига изоҳ бериб.

Абрамсон ўша постда Маск “Американинг санкцияланган душманларини ҳарбий хизматга тайёр машиналар билан таъминлаётгани”ни айтганди.

Х ижтимоий тармоғи фойдаланувчилари бу ҳам Tesla электромобиль компанияси қоидаларини бузаётганини пайқаб, Cybertruck ҳарбий автомобиль эмаслигини таъкидлади.

17 август куни Қодиров ўзининг Telegram-каналида томига автомат ўрнатилган Cybertruck’да Грозний бўйлаб ҳаракатланаётгани акс этган видеони эълон қилди. Қодировнинг ёзишича, у “электрокарни ҳурматли Илон Маскдан олган”. 

“Cybertruck тез орада Шимолий ҳарбий округ зонасига юборилади ва аскарларимиз учун жуда кўп фойда келтиради”, деган Чеченистон раҳбари.

Видеода у Маскни Грознийга таклиф қилган ва уни “энг азиз меҳмон” сифатида қабул қилишга ваъда берган. Тадбиркор ҳозирча бу таклифга жавоб бермаган.