Икки вилоятдаги 12 та солиқ инспекциясига янги бошлиқлар тайинланди 

Ўзбекистон Солиқ қўмитаси раиси Шерзод Қудбиевнинг буйруғи билан 12 та солиқ инспекциясига янги раҳбарлар тайинланди. Бу ҳақда қўмита ахборот хизмати хабар берди.

Унга кўра: 

Аброр Зокирович Юсупов Қашқадарё вилояти Косон тумани солиқ инспекцияси бошлиғи этиб тайинланди. 

Юсупов Аброр 1991 йил Қашқадарё вилоятида туғилган. Тайинловга қадар у Кўкдала тумани солиқ инспекцияси бошлиғи ўринбосари лавозимида ишлаб келаётган эди.

Одилжон Норқуватович Шомуродов Қашқадарё вилояти Муборак тумани солиқ инспекцияси бошлиғи лавозимини эгаллади. 

Одилжон Шомуродов 1986 йил Қашқадарё вилоятида туғилган. Бунга қадар у Касби тумани солиқ инспекцияси бошлиғи ўринбосари лавозимида ишлаб келаётган эди.

Сарвар Орипович Жовлиев Қашқадарё вилояти Деҳқонобод тумани солиқ инспекцияси бошлиғи этиб тайинланди. 

Сарвар Жовлиев 1989 йил Қашқадарё вилоятида туғилган. Бунга қадар у Чироқчи тумани солиқ инспекцияси бошлиғи ўринбосари лавозимида ишлаб келаётган эди.

Азиз Равшанович Омонов Қашқадарё вилояти Китоб тумани солиқ инспекцияси бошлиғи вазифасида иш бошлади. 

Азиз Омонов 1989 йил Қашқадарё вилоятида туғилган. Тайинловга қадар Шаҳрисабз шаҳар солиқ инспекцияси бошлиғи ўринбосари лавозимида ишлаб келаётган эди.

Ҳамидулло Муродуллаевич Оймаҳмедов Қашқадарё вилояти Миришкор тумани солиқ инспекцияси бошлиғи этиб тайинланди. 

Ҳамидулло Оймаҳмедов 1988 йил Қашқадарё вилоятида туғилган. Бунга қадар у Қашқадарё вилояти солиқ бошқармаси Ҳисобни юритиш ва бюджет даромадларини прогнозлаштириш бўлими бошлиғи лавозимида ишлаб келаётган эди.

Элёр Мусурмонович Толлиев Самарқанд вилояти Ургут тумани солиқ инспекцияси бошлиғи этиб тайинланди.  

Элёр Толлиев 1983 йил Самарқанд вилоятида туғилган. Тайинловга қадар у Самарқанд шаҳар солиқ инспекцияси бошлиғи лавозимида ишлаб келаётган эди.

Шерзод Синдорович Эшмуротов Самарқанд вилояти Паяриқ тумани солиқ инспекцияси бошлиғи лавозимини эгаллади. 

Шерзод Эшмуродов 1986 йил Самарқанд вилоятида туғилган. Бунга қадар Булунғур тумани солиқ инспекцияси бошлиғи лавозимида ишлаб келаётган эди.

Акбарали Абдуғаниевич Қулмирзаев Самарқанд вилояти Булунғур тумани солиқ инспекцияси бошлиғи этиб тайинланди. 

Акбарали Қулмирзаев 1981 йил Самарқанд вилоятида туғилган. Тайинловга қадар у Каттақўрғон тумани солиқ инспекцияси бошлиғи лавозимида ишлаб келаётган эди.

Лочинбек Асатович Расулов Самарқанд шаҳар солиқ инспекцияси бошлиғи этиб тайинланди. 

Лочинбек Расулов 1983 йил Навоий вилоятида туғилган. Бунга қадар у Самарқанд шаҳар солиқ инспекцияси Сайёр солиқ текширувлари шўъбаси бошлиғи лавозимида ишлаб келаётган эди.

Акбарали Абдисаломович Турғунов Самарқанд вилояти Каттақўрғон тумани солиқ инспекцияси бошлиғи вазифасида иш бошлади. 

Акбарали Турғунов 1967 йил Самарқанд вилоятида туғилган. Тайинловга қадар Пахтачи тумани солиқ инспекцияси бошлиғи лавозимида ишлаб келаётган эди.

Акмалжон Собирович Ғиёсов Самарқанд вилояти Пахтачи тумани солиқ инспекцияси бошлиғи этиб тайинланди.  

Акмалжон Ғиёсов 1983 йил Самарқанд вилоятида туғилган. Бунга қадар у Нарпай тумани солиқ инспекцияси Камерал солиқ текширувлари шўъбаси  бошлиғи лавозимида ишлаб келаётган эди.