Ибрагимович Бельгия-Эрон ўйинида ухлаб қолди

Швециялик афсонавий ҳужумчи, Италия чемпионатининг беш карра ғолиби Златан Ибрагимович Бельгия ва Эрон терма жамоалари ўртасидаги Жаҳон чемпионати баҳсини томоша қилаётган вақтда ухлаб қолганини айтди. Бу ҳақда у ўзи эксперт бўлиб ишлайдиган “Fox” телеканали эфирида сўз очди.

Айни пайтда “Fox” телеканалида эксперт сифатида фаолият юритаётган Ибрагимович учрашув ҳақида кескин фикр билдирди. АҚШнинг Инглвуд шаҳрида бўлиб ўтган баҳс голсиз дуранг – 0:0 ҳисоби билан якунланди. Бельгия терма жамоаси эса 66-дақиқада ҳимоячи Натан Нгой қизил карточка олганидан кейин ўйиннинг қолган қисмини бир киши кам бўлиб ўтказди.

“Биринчи бўлимда деярли ухлаб қолдим. Иккинчи бўлимда эса ҳақиқатдан ҳам ухлаб қолдим. Бу ўйин ҳақида бошқа ҳеч нарса дейишнинг иложи йўқ”, дейди Ибрагимович.

Маълумот учун, Эрон 2 очко билан ҳозирда турнир жадвалида Миср терма жамоасидан кейин 2-ўринлани эгаллаб турибди. Гуруҳ босқичининг сўнгги турида Эрон Мисрга қарши майдонга тушади. Бельгия эса Янги Зеландия билан куч синашади. Ҳар икки учрашув 27 июнь куни бўлиб ўтади.