Hamster токенлари биржадан олиб ташланади
Олам
−
18 Январь 3505
Жорий йилнинг 24 январь куни HMSTR/EUR савдо жуфтлиги Bybit kripto биржасидан олиб ташланади. Бу ҳақда биржанинг ўзи маълум қилди.
Шундай қилиб, 24 январдан бошлаб машҳур Hamster Kombat ўйинининг токени биржалардан олиб ташланади. Қайд этилишича, бундай қарор валютанинг паст ликвидлиги туфайли қабул қилинган. Ушбу хабар эълон қилингандан бери Hamster Kombat тангаси деярли 70 фоизга ўз қийматини йўқотган.
Платформа маъмурияти бу қарор энг яхши савдо шароитларини таъминлаш ва трейдерларни нархларнинг кескин ўзгарувчанлигидан ҳимоя қилиш учун қабул қилинганлигини тушунтирган.
Шунингдек, биржа 24 январь куни соат 8:00 дан кейин HMSTR/EUR spot жуфтлик савдоси қўллаб-қувватланмаслиги ва барча кутилаётган буюртмалар автоматик равишда ўчирилишини ҳам эслатган. Бу дегани айнан ўша кунгача савдолар амал қилади.
Эслатиб ўтамиз, олдинроқ Истиқболли лойиҳалар миллий агентлиги энг йирик крипто-биржаларидан бири – Binance томонидан Ўзбекистон Республикаси фойдаланувчиларига (резидентларига) хизмат кўрсатиш йўлга қўйилишини маълум қилганди.
Live
Барчаси