Франциянинг машҳур нашри “Олтин тўп”га даъвогарларни эълон қилди

“L'Équipe” нашри 2025 йилда “Олтин тўп”ни қўлга киритиш учун асосий номзод сифатида ПСЖ вингери Усмон Дембелени кўрмоқда.

Нашрга кўра, парижликлар футболчиси Усмон Дембеле 40.9% билан асосий даъвогар бўлиб турибди. Дембеледан кейинги ўринда “Барселона” футболчиси Рафинья 25% билан иккинчи ўринда. Каталонияликларнинг яна бир ўйинчиси Ламинь Ямаль эса 8.8% фоиз билан кучли учликка якун ясаган. “Реал” ҳужумчиси Килиан Мбаппенинг “Олтин тўп”ни қўлга киритиш имконияти эса 8% га баҳоланган. “Ливерпуль” етакчиси Муҳаммад Салоҳнинг имконияти эса 7.4% баҳоланди.

Қайд этиш керак, “Олтин тўп”нинг навбатдаги эгаси 2025 йилнинг октябрь ойида маълум бўлади. 2024 йилги мавсумда ушбу совринни “Манчестер Сити” ярим ҳимоячиси Родри қўлга киритган эди.

Маълумот ўрнида, Усмон Дембеле жорий мавсум ПСЖ сафида барча мусобақаларда 36 та ўйинда майдонга тушиб, 29 та гол урди ва 6 та ассист амалга оширди.