“Forbes” дунёнинг энг қиммат спорт клубини маълум қилди

“Forbes” журнали сайёранинг энг қиммат спорт жамоаларининг рейтингини эълон қилди. Рўйхатга 50 та клуб киритилди.

Миллий футбол лигасида (МФЛ) иштирок этадиган “Даллас Ковбойз” клуби энг қиммат жамоа деб, топилди. “Forbes” клубни 5 млрд долларга баҳолаяпти. Клубнинг операцион даромади йилига 365 млн долларга тенг.

Иккинчи ўринни Асосий бейсбол лигаси (MLB) вакили эгаллади. “Нью-Йорк Янкиз” 4,6 млрд долларга баҳоланяпти. Мадриднинг “Реал” клуби рейтингда учинчи ўринни қўлга киритди. “Қироллик клуби” 4,24 млрд долларга баҳоланяпти. Бу кўрсаткич бўйича мадридликлар Каталониянинг “Барселона” клубини (4,02 млрд доллар) ортда қолдиряпти.

Ўтган йили иккинчи ўринда бўлган “Манчестер Юнайтед” клуби олтинчи ўринга тушиб кетган.

Умумий ҳисобда рейтингга МФЛдан 29 клуб, MLB`дан 8 клуб, 7 та футбол клуби ва 6 та Миллий баскетбол ассоциацияси клуби киритилган. Ўтган йили рейтингга 8 та йутбол клуби киритилганди.