Флоридада сув қувуридан аллигатор топилди (видео)

Флорида штатининг Оведо шаҳридаги сув қувуридан узунлиги 1,7 метрлик аллигатор топилди. Бу ҳақда BBC хабар берди. 

Келтирилишича, Флорида штатининг Оведо шаҳрида бир қатор чуқурликлар аҳолига муаммоли вазият туғдиргани сабабли, шаҳар мутахассислари йўл остидаги “аномалияларни” текшириш учун робот камерани сув қувурининг ичига туширган. Тасвирда кутилмаганда узунлиги 5 фут, яъни 1,7 метрлик аллигаторни кўрган ишчилар ҳайратда қолган.

Экранда нотаниш жониворнинг иккита кичик кўзлари порлаб турган эди. Аввалига ишчилар уни қурбақа деб ўйлаган, аммо видеотасвирни яқинлаштириб, яна такроран кўрилганда аллигаторнинг узун думи яққол кўзга ташланган. Сўнгра Оведо шаҳри расмийлари жониворни қувурлар орқали робот-камера ёрдамида кузатган.

“Бахтимизга бизнинг экипажларимизда робот бор”, дейди мутахассислар.

Воқеадан сўнг маҳаллий аҳоли қувурларга тушмасликдан огоҳлантирилган.

Севара Азимова