FIFA Испаниянинг чемпионлик расмидан Трампни олиб ташлади

Халқаро футбол федерацияси (FIFA) Испания терма жамоасининг 2026 йилги Жаҳон чемпионатидаги ғалабасига бағишланган суратлардан АҚШ Президенти Дональд Трампнинг тасвирини олиб ташлади. Бу ҳақда ташкилотнинг Х тармоғида эълон қилинган суратда кўриш мумкин.

Гап шундаки, Трамп FIFA Президенти Жанни Инфантино билан биргаликда Жаҳон чемпионати кубогини Испания терма жамоаси сардори Родрига топширган. Маросимдан сўнг эса у майдонни дарҳол тарк этмай, испаниялик футболчилар кубокни бошлари узра кўтариб нишонлаётган вақтда ҳам саҳнада қолган.

Фақат Жанни Инфантино майдонни тарк эта бошлаганидан кейингина Дональд Трамп ҳам у билан бирга чемпионлик минбарини тарк этган.

Шундан сўнг FIFA ўзининг расмий саҳифасида ғалаба лавҳаларини эълон қилди. Нашр қилинган вертикал суратда кадр таҳрир қилиниб, ундан Дональд Трамп чиқариб ташлангани кўриниб турибди.

Эслатиб ўтамиз, Испания терма жамоаси 2026 йилги Жаҳон чемпионати финалида Аргентинани қўшимча вақтда 1:0 ҳисобида мағлуб этиб, ўз тарихида иккинчи марта жаҳон чемпионига айланган эди.