Фарғонадаги бозорда ёнғин содир бўлди

Жамият

−

03 Январь 2023 visibility7004

Фарғона вилояти Данғара туманида жойлашган автомобиль эҳтиёт қисмлари бозорида ёнғин содир бўлди. Ҳолат юзасидан вилоят Фавқулодда вазиятлар бошқармаси маълумот берди.

Бугун, 3 январь куни Данғара тумани “Тошкент” кўчасида жойлашган автомобиль эҳтиёт қисмлари сотишга мўлжалланган контейнерларда ёнғин содир бўлган.

Шунга кўра, 5 та ёнғин-қутқарув экипажи соат 12:40 да воқеа жойига етиб бориб, ёнғин соат 12:44 да қуршаб олинган ва соат 12:59 да бартараф этилган.

Ёнғин оқибатида 4 та контейнернинг тахминан 40 квадрат метр майдонда ички қисми ёниб зарарланган.

Ҳодиса туфайли тан жароҳати олган ва ҳалок бўлганлар йўқ.

Ҳозирда ёнғинни келиб чиқиш сабаби ва моддий зарар миқдори аниқланмоқда.

Мақола муаллифи