Фарғона вилоятининг собиқ ҳокими янги лавозимга тайинланди

Абдуҳошим Абдуллаевич Абдуллаев Ўзбекистон Республикаси Президентининг Фарғона вилоятидаги Халқ қабулхонаси мудири этиб тайинланди.

Фарғона вилояти Халқ қабулхонасида вилоят ҳокимлиги вакиллари ҳамда шаҳар-туманлар халқ қабулхоналари раҳбарлари иштирокида ўтган тадбирда вилоят ҳокимининг биринчи ўринбосари Авазбек Ўринбоев томонидан ушбу тайинлов ўқиб эшиттирилди.

Абдуҳошим Абдуллаев 1950 йилда Фарғона туманида туғилган. Фарғона политехника институтини тамомлаган. 

1972-1990 йилларда Фарғона ёғ-мой комбинатида, Фарғона "Азот" ишлаб чиқариш бирлашмасида турли лавозимларда меҳнат қилган.

1990-1991 йилларда Фарғона шаҳар партия қўмитаси тафтиш комиссияси раиси бўлган. 1991-1992 йилларда ЎзХДП Фарғона шаҳар Кенгаши биринчи котиби бўлиб ишлаган. 

1992-1994 йилларда Фарғона "Азот" ишлаб чиқариш бирлашмаси бош директори, 1994 йилда Ўзбекистон кимё саноати уюшмаси ишлаб чиқариш бўлими бошлиғининг ўринбосари сифатида меҳнат қилган. 

1994-2005 йилларда Фарғона "Азот" ишлаб чиқариш бирлашмаси бош директорининг ишлаб чиқариш бўйича ўринбосари, бош директори лавозимларида ишлаган. 

2005-2006 йилларда Марғилон шаҳар ҳокими, 2006-2008 йилларда Фарғона вилояти ҳокими бўлган. 

2008-2015 йилларда Фарғона "Азот" ишлаб чиқариш бирлашмаси бош директорининг ишлаб чиқариш бўйича ўринбосари, 2015-2017 йилларда “Фарғонаазот" акциядорлик жамияти бош директорининг биринчи ўринбосари, 2017-2019 йилларда “Ўзкимёсаноат” АЖ бошқарув раиси бўлган. 

Абдуҳошим Абдуллаев 2006 йилда "Меҳнат шуҳрати" ордени билан тақдирланган.