Ёзувчи ва фахрий журналист Сотволди Ражабов оламдан ўтди

Жамият

−

03 Декабрь 2020 visibility3741

1 декабрь куни Ўзбекистон Ёзувчилар уюшмаси аъзоси, таниқли адиб, фахрий журналист Сотволди Ражабов 74 ёшида вафот этди. Бу ҳақда Ўзбекистон Ёзувчилар уюшмаси Матбуот хизмати хабар бермоқда.

Сотволди Ражабов 1946 йилда Андижон вилоятида туғилган. 1970 йилда Тошкент Давлат университетининг журналистика факультетини битирган. “Муштум” журналида, Ўзбекистон телерадиокомпанияси адабий-драматик эшиттиришлар таҳририятида, Андижон вилоят телерадиокомпаниясида ишлаган.

“Ҳикоя ва қиссалардан иборат ўнга яқин китоби нашр этилган. Унинг “Бировнинг боласи” номли янги ҳикоялар тўплами нашриётга топширилган, чоп этилиш арафасида эди”, дейилади хабарда.

QALAMPIR.UZ таҳририяти жамоаси Сотволди Ражабовнинг оила аъзолари ва яқинларига ҳамдардлик билдиради.

Мақола муаллифи