Эрон АҚШ билан ҳар қандай учрашувни рад этди

Эроннинг ҳозирда АҚШ билан учрашиш режаси йўқ. Бу ҳақда Эрон Ташқи ишлар вазири Аббос Ароқчи кеча, 26 июнь куни давлат телевидениесига берган интервьюсида маълум қилди.

Бу АҚШ Президенти Дональд Трампнинг Вашингтон келаси ҳафта Эрон билан музокаралар ўтказишни режалаштираётгани ҳақидаги баёнотига зид келади.

Эрон Ташқи ишлар вазирининг айтишича, Теҳрон музокараларнинг олдинги беш босқичидан сўнг Исроил ва АҚШ Эроннинг ядровий иншоотларига ҳужум қилгани ортидан  АҚШ билан музокаралар унинг манфаатларига мос келиш-келмаслигини баҳоламоқда. 

АҚШ ва Исроил зарбалар Эроннинг ядровий қурол яратиш қобилиятини чеклаш учун қилинган, Эрон эса ядровий дастури фақат фуқаро мақсадларида фойдаланишга қаратилганини айтади.

Ароқчининг айтишича, ядровий объектларга етказилган зарар “оз эмас” ва тегишли органлар Эроннинг ядровий дастурининг янги ҳақиқатларини аниқламоқда, бу эса Эроннинг келажакдаги дипломатик позициясини билдиради.