Эрдўған тахти муҳофазасини янада кучайтирди

Туркия Сафарбарлик ва уруш ҳолати тўғрисидаги Низомга ўзгартиришлар киритилди. Эндиликда у Туркия Президентига тегишли таҳдидлар юзага келган тақдирда мустақил равишда республикада умумий ёки қисман сафарбарлик эълон қилиш ҳуқуқини берди. Бу ҳақда ҳукуматнинг расмий газетаси “Resmi gazete”да чоп этилган янги қонун ҳужжатларида айтилган. 

Сафарбарлик эълон қилиш ваколати ҳукуматдан Президентга ўтди. Давлат раҳбари фармони билан “қўзғолон, республиканинг миллий хавфсизлигига, унинг ҳудудий яхлитлигига жиддий таҳдид соладиган ёки уруш содир бўлган тақдирда” қисман ёки умумий сафарбарлик режимини жорий этиши мумкин. Гап ички ва ташқи таҳдидлар ҳақида бормоқда. Тегишли ҳужжат ҳукумат газетасида эълон қилинган кундан бошлаб кучга кирди. Расмий равишда, нашр этилгандан сўнг, бу қарор дарҳол парламент томонидан тасдиқланиши керак. 

1980 йилдан бери қабул қилинган бир қанча қоидаларни бекор қилган янгиланган қонун, шунингдек, сафарбарлик тўғрисида қарор қабул қилинган тақдирда, қуролли кучлар, жандармерия (полиция) ва қирғоқ қўриқлаш хизматининг илгари бўшатилган барча аъзолари захирада кўриб чиқилиши ва чақирилиши мумкинлиги ҳам айтилган. 

Баъзи турк оммавий ахборот воситалари таъкидлаганидек, фавқулодда режимлар даврида армия сафидан бўшатилган, шу жумладан фитна ёки ҳукуматга қарши ҳаракатларда иштирок этганликда гумон қилинган ҳарбий хизматчилар ҳарбий хизматга чақирилиши мумкин. Бу 2016 йилдаги давлат тўнтаришига уринишдан кейин хизматдан ҳайдалган ҳарбий хизматчиларга ҳам тегишли. 

Фуқароларни хорижда муддатли ҳарбий хизматга чақириш тартиби ҳам жорий этилмоқда. Дипломатик ваколатхоналар ўз ватанига қайтиши керак бўлган захирадаги аскарларнинг рўйхатини эълон қилади. Бу расмий чақирув сифатида қабул қилинади. 

Президент сафарбарлик тартиб-таомили билан боғлиқ қарорлар ва сиркулярларга “махфий” муҳр қўйиши мумкин бўлади. Бу тамойиллар, шартлар ва процедураларга тегишли. Махфийлик тўғрисидаги қарор давлат раҳбарининг ихтиёрига кўра қабул қилинади.