Энрикенинг ПСЖдаги келажаги бўйича тафсилотлар маълум бўлди

Франциянинг ПСЖ жамоаси бош мураббийси Луис Энрикенинг клубдаги  келажаги бўйича тафсилотлар маълум бўлди. Париж клуби испаниялик бош мураббийга 2030 йил ёзигача мўлжалланган янги шартнома таклиф қилди. Бу ҳақда “Football Espana” нашри хабар берди.

Манбага кўра, Энрикенинг амалдаги шартномаси 2027 йилда якунланишига қарамай, унинг Париж клубини тарк этиши мумкинлиги ҳақидаги хабарларга ҳозирча асос йўқ. Аксинча, томонлар янги битим бўйича келишувнинг сўнгги босқичига яқинлашган.

Таъкидланишича, мураббий Парижда ўзини қулай ҳис қилмоқда ва келажаги бўйича қарорни ёзда, янги мавсум бошланишидан олдин қабул қилишни режалаштирмоқда. Бу унга келаси мавсумга хотиржам тайёргарлик кўриш имконини беради.

Шунингдек, парижликлар раҳбариятининг Энрикега 2030 йилгача шартнома таклиф қилиши бежиз эмас. Чунки клуб спорт директори Луис Кампоснинг амалдаги шартномаси ҳам айнан шу йилда якунланади.

Эслатиб ўтамиз, аввалроқ Луис Энрике Париж клуби билан шартномасини янгилашни режалаштирмаётгани ва мураббий шартномаси якунлангач, жамоани тарк этмоқчи эканлиги ҳақида хабар берилган эди. Шундан сўнг Луис Энрике “Реал Мадрид” бош мураббийлиги бўйича музокаралар учун очиқлиги ва агар клуб томонидан аниқ таклиф тушса, Мадрид жамоасини бошқаришга тайёрлиги ҳақида маълум қилган эди.