“Энг яхши бобо”. Трамп ноодатий видео эълон қилди (видео)

АҚШ Президенти Дональд Трамп ўзининг Truth Social ижтимоий тармоғида оилавий архив ва оммавий чиқишлар кадрларидан йиғилган икки дақиқалик видеони жойлаштирди. Ушбу лавҳаларда Оқ уй раҳбарининг набиралари билан қандай вақт ўтказиши тасвирланган.

Хусусан, видеода Трампнинг набираси билан тўп ўйнаётгани, бошқа бир набирасининг пианино чалишини кузатиб турганини кўриш мумкин. Бундан ташқари, Президентнинг набираси уни қувонч билан кутиб олаётган кадрлар ҳам кўрсатилган.

Видеода, шунингдек, кичик Дональд Трампнинг қизи Кай Трампнинг нутқидан парча келтирилган. Унда Кай бобоси доимо унинг мактабдаги муваффақиятлари билан қизиқиб келганини сўзлаб беради.

Видео 9 мингтадан ортиқ репост йиғган. Дональд Трамп баъзи реакциялар билан ўзи ҳам бўлишган. Масалан, у ўз лентасига битта шарҳни қайта жойлаштирган (репост қилган).

“Нафақат Президент, Трамп – энг яхши бобо”, дейилади унда.

“Business Insider” нашрининг хабар беришича, 2026 йил 6 апрель ҳолатига кўра, Дональд Трамп 11 нафар набиранинг бобоси ҳисобланади.