Энди “загранпаспорт” почта орқали етказиб берилади

Эндиликда хорижга чиқиш биометрик паспортини почта хизмати орқали етказиб бериш хизмати йўлга қўйилади. Бу ҳақда кеча, 4 ноябрь куни қабул қилинган Президент қарорида сўз боради. 

Қарорга кўра, қуйидагиларни назарда тутувчи ўзгартириш ва қўшимчалар киритилди:

• хорижга чиқиш биометрик паспортини берганлик учун ундириладиган давлат божи суммасини қайта тақсимлаш;
• хорижга чиқиш биометрик паспортини почта хизмати орқали етказиб бериш;
• вояга етмаган шахсларга хорижга чиқиш биометрик паспорти расмийлаштирилганда унинг ота-онаси ёки уларнинг ўрнини босувчи ёхуд ҳамроҳлик қилувчи шахсларни болани чет давлат ҳудудида назоратсиз қолдирганлик учун жавобгарлик ҳақида огоҳлантириш.

Маълумот учун, фуқаролар хорижга чиқиш биометрик паспортини олиш бўйича экстерриториал тамойил асосида исталган Давлат хизматлари маркази ёки ички ишлар органларига мурожаат қилиши мумкин.