Dron hujumi sabab Rossiyaga aviareyslar kechiktirildi

Rossiyaning bir qator aeroportlari dronlar hujumi ortidan yopilgani sabab qator aviareyslar kechiktirildi. Bu haqda Uzbekistan Airways xabar berdi.

Uzbekistan Airways 11 dekabrda qaysi reyslari kechiktirilishini e’lon qildi:

• Moskva (Vnukovo) Xalqaro aeroportida kiritilgan vaqtinchalik cheklovlar tufayli, Qarshi—Moskva (Vnukovo) yo‘nalishidagi HY9623-reysi Nijniy Novgorod shahri zaxira aeroportiga yo‘naltirilgan;
• HY606 Moskva (Vnukovo)–Samarqand va HY606 Moskva (Vnukovo)–Farg‘ona reyslari ham kechiktirildi;
• Maxachqal’a shahri Xalqaro aeroportida kiritilgan vaqtinchalik cheklovlar sababli, Toshkent— Maxachqal’a—Toshkent yo‘nalishidagi HY9731/9732 reyslari kechiktirildi;
• Grozniy shahri Xalqaro aeroportida kiritilgan vaqtinchalik cheklovlar sababli, Toshkent—Grozniy—Toshkent yo‘nalishidagi HY9701/9702 reyslari kechiktirildi;

Moskva (Domodedovo) Xalqaro aeroportida kiritilgan vaqtinchalik cheklovlar tufayli, Toshkent—Moskva (Domodedovo)—Toshkent yo‘nalishidagi HY603/604 reyslari kechiktirildi va o‘zgartirilgan jadval asosida bajariladi:

• HY603 Toshkentdan uchib ketish: 10:00 da, Domodedovoga yetib kelish: 12:20 da;
• HY604 Domodedovodan uchib ketish: 14:00 da, Toshkentga yetib kelish: 19:50 da.

Samolyotlarning kechikib yetib kelishi sababli aviakompaniyaning 11 dekabrdagi ayrim reyslari o‘zgartirilgan jadval asosida amalga oshiriladi:

• Samarqand–Sankt-Peterburg–Samarqand HY639/640 reyslari;
• Samarqanddan uchish — 16:00, Sankt-Peterburgga yetib borish — 19:10;Sankt-Peterburgdan uchish — 20:20, Samarqandga yetib borish — 03:10 (12 dekabr).

Farg‘ona–Novosibirsk–Farg‘ona HY9669/9670 reyslari:

• Farg‘onadan uchish — 16:00, Novosibirskka yetib borish — 16:45;
• Novosibirskdan uchish — 18:00, Farg‘onaga yetib borish — 23:00.

Navoiy–Moskva (Vnukovo)–Nukus HY9617/9626 reyslari:

• Navoiydan uchish — 17:00, Moskva (Vnukovo)ga yetib borish — 19:10;
• Moskva (Vnukovo)dan uchish — 20:30, Nukusga yetib borish — 02:00 (12-dekabr).

Eslatib o‘tamiz, avvalroq Toshkentda tuman va havo sifatining yomonlashish sababi tushuntirilgandi.