ДХХ Қозоғистондан гиёҳвандлик воситаларини олиб келганларни қўлга олди (видео)

north_east

Ўзбекистон тарихида илк бор ДХХ Call-маркази ишга тушди

Ички ишлар органлари билан ҳамкорликда Тошкент вилоятида ўтказилган тезкор тадбирда Қозоғистондан олиб келинган синтетик гиёҳвандлик воситаларининг айланмасига чек қўйилди. Бу ҳақда Давлат хавфсизлик хизмати хабар берди.

Қайд этилишича, тезкор тадбир давомида Қозоғистондан Ўзбекистонга Тошкент вилоятидаги “Навоий” чегара божхона пости орқали кириб келган, Андижон вилоятининг Қўрғонтепа туманида яшовчи, 1983 ва 1988 йилларда туғилган 2 нафар фуқарога тегишли тиббий ускуналар кўздан кечирилган. Натижада ушбу ускуналар ичига яширилган, умумий баҳоси 1 миллион долларга тенг бўлган 4,206 килограмм “Мефедрон” ҳамда 3,970 килограмм “Алъфа-ПВП” синтетик гиёҳвандлик воситалари борлиги аниқланди. Шунингдек, тезкор тадбир давом эттирилиб, мазкур ишга алоқадор бўлган Тошкент шаҳри ва вилоятида яшовчи, 1992, 1993, 1995 ҳамда 2000 йилларда туғилган 5 нафар фуқаро ҳам қўлга олинган. Маълум бўлишича, улар Telegram мессенжери орқали наркотик моддалар савдоси билан шуғулланувчи Россия фуқаросининг кўрсатмаларини бажариб келган.

“Навоий” чегара божхона постида фош этилган, бошқа ҳолатда эса 1980 йилда туғилган Қирғизистон фуқароси томонидан аравакаш сифатида ёлланган шахс Қозоғистондан Ўзбекистонга газ плитасини олиб кирган вақтида тўхтатилиб, текширилган. Натижада, газ плитасининг ичида 1,985 килограмм “Алъфа-ПВП” синтетик наркотик моддаси борлиги аниқланиб, процессуал тартибда расмийлаштириб олинди. Шунингдек, тезкор тадбир давом эттирилиб, ушбу гиёҳвандлик воситасини қабул қилиб олган вақтида Тошкент шаҳрида яшовчи, 2006 йилда туғилган шахс ашёвий далиллар билан ушланди.

Эслатиб ўтамиз, аввалроқ Сирдарё вилоятининг Сирдарё туманида жами оғирлиги 77 килограмм 410 грамм гиёҳвандлик воситасини яширганлар қўлга тушганди.