Даниил Ейбог Олимпиададаги иштирокини муваффақиятсиз бошлади
Спорт
−
10:14 1861 1 дақиқа
Бугун, 15 февралга ўтар кечаси ўзбекистонлик шорт-трекчи Даниил Ейбог Италияда ўтаётган қишки Олимпия ўйинларида қатнашди. У якунда “Б” финалда иштирок этиб, мусобақани 14-ўринда якунлади.
У 1500 метр масофада кечган чорак финал босқичидан муваффақиятли ўтди. Ейбог ўз гуруҳида 2:16.963 вақт билан 3-бўлиб финишга етиб келди ва ярим финалга йўл олди.
Ўзбекистонлик шорт-трекчи ярим финалдаги чиқишида ўз гуруҳида роппа-роса 2 дақиқа 18 сонияда билан 3-бўлиб финишга келди.
Афсуски, бу “А” финалига йўлланма олиш учун етарли бўлмади ва у “Б” финалида 10-16-ўринлар учун кураш олиб борди. “Б” финалида қатнашган Ейбог маррага 5-бўлиб етиб келди.
Ушбу натижа билан у мазкур масофадаги чиқишини 14-поғонада тугатди.
Live
Барчаси
