Чемпионлар лигаси нимчорак финал иштирокчилари маълум бўлди

Кеча, 28 январь куни UEFA Чемпионлар лигасининг 8-тур учрашувлари якунланди. Гуруҳ босқичи якунлангандан сўнг нимчорак финалга тўғридан тўғри йўл олган 8 та жамоа номи маълум бўлди.

Гуруҳ босқичи умумий жадвалида кучли саккизталикка кириб, плей-офф босқичига йўлланмани қўлга киритган жамоалар қуйидагилар:

• “Арсенал”
• “Бавария”
• “Ливерпуль”
• “Тоттенхем”
• “Барселона”
• “Челси”
• “Спортинг”
• “Манчестер Сити”

8-тур олдидан кучли саккизталикдан ўрин олиб келаётган Мадриднинг “Реал” жамоаси Португалияда “Бенфика”га 2:4 ҳисобида мағлуб бўлди ва натижада жадвалда 9-ўринга тушиб кетди. Жозе Моуриньо бошчилигидаги “Бенфика” эса ушбу ғалаба орқали 24 поғонага кўтарилиб, плей-офф босқичида иштирок этиш ҳуқуқини қўлга киритди. Эндиликда 9-дан 24-ўрингача бўлган жамоалар нимчорак финалга чиқиш учун ўтиш ўйинида майдонга тушади.

Каталониянинг “Барселона” жамоаси эса ўз майдонида “Копенгаген”ни 4:1 ҳисобида мағлуб этди. Ушбу ғалаба эвазига каталонияликлар турнир жадвалида 5 поғонага юқорилаб, кучли саккизталикдан жой олди.