“Челси” эгалари клубдаги улушларини сотиш ниятида – ОАВ

Лондоннинг “Челси” клубининг эгалари Тодд Боули ва Марк Уолтер жамоадаги ўз улушларини сотиш ниятида. Бу ҳақда “Financial Times” нашри хабар берди.

Манбага кўра, “Челси” акциядорлари ўз улушларини клуб акцияларининг қарийб 60 фоизига эгалик қилувчи Clearlake компаниясига сотиш бўйича музокаралар олиб бормоқда.

Боули ва Уолтер 2022 йилда Роман Абрамовичдан “Челси”ни 2,5 миллиард фунт стерлингга сотиб олган инвесторлар гуруҳи таркибида бўлган. Келишув амалга ошганидан буён ҳар икки бизнесмен клуб стратегияси борасида Clearlake билан бир неча бор келишмовчиликларга борган.

Музокаралар Марк Уолтернинг бизнес империяси тартибга солувчи органлар назоратига тушган бир пайтда кечмоқда. 66 ёшли америкалик тадбиркор айрим муҳим активларини ҳам сотишга уринмоқда. Аввалроқ, Уолтер NBA'даги “Лос-Анжелес Лейкерс”даги улушини рекорд даражадаги 12 миллиард долларга сотган эди.

Эслатиб ўтамиз, аввалроқ Amazon асосчиси Жефф Безос иштирокидаги консорциум Англиянинг “Ливерпуль” клубининг озчилик улушини сотиб олганди.