Бухородаги “ажал чархпалаги”нинг видеоси тарқалди. Ҳокимият изоҳ берди
Жамият
−
06 Март 94559
Аввалроқ, ижтимоий тармоқларда Бухоро паркларидан бирида жойлашгани айтилаётган “ажал чархпалаги” деб аталган носоз ҳолдаги аттракцион тасвирлари тарқалиб, кўпчиликнинг муҳокамасига сабаб бўлган эди.
Бухоро шаҳар ҳокимлиги ушбу хабарлар юзасидан расмий муносабат билдирди. Унга кўра, шаҳарда ўриндиқлари тешик бўлган чархпалак аттракциони борлиги ҳақидаги хабарлар мутлақо ёлғон.
Шунингдек, шаҳар ҳокимлиги Бухородаги паркларда бундай носоз ҳолдаги аттракционлар, хусусан, носоз ҳолдаги чархпалак мавжуд эмаслигини қўшимча қилган. Ҳокимлик Сомонийлар маданият ва истироҳат боғидан ўрин олган чархпалак суратларини илова қилган.
"Ижтимоий тармоқ фаолларидан текширилмаган ва ёлғон маълумотлар тарқатмасликларини сўраймиз. Аҳоли ўртасида ёлғон ахборот тарқатганлик учун жавобгарлик мавжуд", дейилади хабарда.
Сарвар Хуррамов
